Папугая ў Нідэрландах пасадзілі ў турму пасля крадзяжу з крамы. А потым накармілі ФОТА

30.09.2019 / 14:04

Паліцыя галандскага горада Утрэхт арыштавала злодзея разам з яго папугаем. Фатаграфія з птушкай-арыштантам з'явілася ў Instagram-акаўнце ведамства.

Посмотреть эту публикацию в Instagram

Onlangs hebben wij een verdachte aangehouden voor een winkeldiefstal. Tijdens de aanhouding vonden wij een stiekeme getuige met veren en snavel op de schouder van de verdachte. Tijdens de insluiting op ons bureau kwamen wij er tot onze schrik achter dat wij niet in het bezit zijn van een vogelcel of kooi.... Na goed overleg met de verdachte hebben wij ze samen ingesloten... *en uiteraard goed verzorgd! #puc #dieren #bird #politieutrechtcentrum #politie #utrecht

Публикация от Politie Utrecht Centrum (@politieutrechtcentrum)

Прадстаўнікі паліцыі распавялі, што ў чацвер, 26 верасня, выехалі на выклік аб крадзяжы ў краме. Ім удалося арыштаваць злодзея на месцы. На плячы ў злачынца сядзеў папугай.

Калі злодзея разам з яго гадаванцам даставілі ў ізалятар, праваахоўнікі зразумелі, што ў іх няма ні клеткі, ні свабоднай камеры для птушкі. Параіўшыся з затрыманым, яны пасадзілі папугая ў камеру да яго гаспадара. Для птушкі прынеслі ваду і белы хлеб.

Nashaniva.com