10 tysiač čałaviek vyjšli na akcyju suprać «formuły Štajnmajera» ŭ Kijevie
06.10.2019 / 16:47
Fota Andreja Smolija, facebook.com
Na hałoŭnaj płoščy Kijeva 6 kastryčnika prajšła akcyja «Spynim kapitulacyju», nakiravanaja suprać pryniaćcia Ukrainaj «formuły Štajnmajera».
Tak nazyvajecca kompleks mier pa ŭrehulavańni kanfliktu na Danbasie, jaki praduhledžvaje, što Ukraina pradastavić asablivy status samaabvieščanym DNR i ŁNR paśla taho, jak na ich terytoryi projduć vybary, pryznanyja ABSIE. Ukrainski prezident Uładzimir Zialenski pahadziŭsia pryniać «formułu Štajnmajera» 1 kastryčnika. Paśla hetaha ŭ Kijevie i inšych haradach Ukrainy pačalisia pratesty. Siońniašniaja akcyja ŭ Kijevie stała samaj šmatlikaj za tydzień — pa acency kijeŭskaj palicyi na 14:00, u joj uziali ŭdzieł kala 10 tysiač čałaviek.