Karajeŭ pra zaachvočvańnie Makieja da biełaruskaj movy: «Ja zhodny. Prymazvacca nie budu, ale i admaŭlać u pamknieńni nie stanu»
08.10.2019 / 20:37
Ministr zamiežnych spraŭ Uładzimir Makiej zajaviŭ siońnia karespandentu BIEŁTA, što kali my chočam zachavać nacyju i dziaržavu, to musim raźvivać biełaruskuju movu.
Čytajcie: Makiej: Kali chočam zachavać nacyju, treba bolš uvahi nadavać biełaruskaj movie
U kułuarach «Minskaha dyjałoha» karespandent «Našaj Nivy» pacikaviŭsia, ci zhodny z kaleham ministr unutranych spraŭ Juryj Karajeŭ
«Kaniečnie! Heta mova naroda, jaki tut naradziŭsia i žyvie. Ale bieź śpiekulacyj: ja ni aktyŭna prymazvacca nie budu, ale i admaŭlać takija pamknieńni nie stanu. Pytańnie ŭ tym, jak heta adčuvaje hramadstva: kali choča, to tak i pavinna być. Mierkavańnie hramadstva asnoŭnaje, a nie maje subjektyŭnyja acenki jak ministra ci pradstaŭnika inšaj nacyjanalnaści (Juryj Karajeŭ asiecin — Red.)», — skazaŭ Karajeŭ.