Vienhierskaja apazicyja atrymała pieramohu ŭ baraćbie za Budapiešt
14.10.2019 / 06:09
pixabay.com
Kirujučaja partyja premjer-ministra Vienhryi Viktara Orbana «Fides» paciarpieła paražeńnie ŭ niadzielu na municypalnych vybarach u Budapiešcie, śviedčać papiarednija dadzienyja Centrvybarkama, paviedamlaje AFP.
Zhodna z vynikami padliku 82% biuleteniaŭ, adziny kandydat ad apazicyi Hierhiel Karačon nabiraje 51% hałasoŭ, u toj čas jak kandydat ad kirujučaj partyi Ištvan Tarłaš, jaki kiravaŭ vienhierskaj stalicaj z 2010 hoda, nabiraje kala 44%.
«Ničoha nie skažaš. Siońnia Budapiešt pryniaŭ hetaje rašeńnie i vybraŭ Hierhiel Karačona <…> i ja vinšuju jaho », - skazaŭ Tarłaš, stojačy pobač z Orbanam. «My prymajem da viedama hety vynik», — skazaŭ Orban.
U niadzielu ŭ Vienhryi prajšli municypalnyja vybary. Zavajova stalicy była samaj ambicyjnaj metaj apanientaŭ premjera Viktara Orbana, čyja partyja «Fides» daminuje na vienhierskaj palityčnaj arenie z 2010 hoda. Na hetych vybarach apazicyjnyja partyi vyrašyli vystupić adzinym frontam, vyłučyŭšy adzinaha kandydata.
Pieramoha Karačona — pieršy značny pośpiech vienhierskaj apazicyi i pieršaja paraza Viktara Orbana za apošnija amal dziesiać hadoŭ.