Zialenski paprasiŭ ukraincaŭ nie rabić siońnia «karcinku» dla rasijskaha TB
14.10.2019 / 06:32
president.gov.ua
Prezident Ukrainy Uładzimir Zialenski na svajoj staroncy ŭ fejsbuku zaklikaŭ ukraincaŭ padčas mitynhaŭ, jakija pryznačany na Dzień abaroncy Ukrainy, 14 kastryčnika, nie paddavacca na pravakacyi, kab nie stvarać «karcinku dla rasijskaha telebačańnia».
Kiraŭnik dziaržavy adznačyŭ, što «razumieje strach» suhramadzian adnosna taho, jak dalej budzie raźvivacca ŭrehulavańnie situacyi na Danbasie. «20 maja (dzień inaŭhuracyi) ja paklaŭsia abaraniać suvierenitet i niezaležnaść Ukrainy. Ja vierny hetaj klatvie i maju namier zastavacca viernym joj zaŭsiody», — skazaŭ Zialenski.
«Prašu vas — budźcie razvažlivymi, dziejničajcie adkazna, u ramkach zakona i hramadskaha paradku. I, kali łaska, nie paddavajciesia na pravakacyi tych, chto vielmi choča stvaryć krasamoŭnuju karcinku dla rasijskaha telebačańnia», — napisaŭ ukrainski lidar.
Jon zaklikaŭ ukraincaŭ «svaimi ž rukami nie rabić padarunkaŭ niepryjacielam». «Jany marać ubačyć u našych šerahach zvady, svarki i chaos. I vielmi bajacca, što ŭkraincy buduć adzinymi i zhurtavanymi», — napisaŭ Zialenski.