U Minsku ŭ 2021 hodzie płanujuć dabudavać pieršaje transpartnaje kalco
14.10.2019 / 08:48
sb.by
Pieršaje transpartnaje kalco ŭ Minsku płanujecca dabudavać u 2021 hodzie, raskazaŭ hałoŭny inžynier HP «Hardarbud» Vasil Cibiež u efiry telekanała «Biełaruś 1», piša sb.by.
Darožnyja raboty na finalnym adrezku ad praśpiekta Dziaržynskaha da vulicy Tałstoha pačnucca ŭ śniežni. Vulicu Tałstoha rekanstrujujuć i pašyrać, dziakujučy čamu budzie razhružany ruch z boku praśpiektaŭ Dziaržynskaha i Žukava. Zatym pačniecca rekanstrukcyja samaha praciahłaha staličnaha puciepravoda.
«U śniežni pačnucca padrychtoŭčyja pracy. Tam budzie šerah abjektaŭ, jakija padpadajuć pad znos, — 48 haspadarčych pabudoŭ, budynkaŭ i zbudavańniaŭ. Budzie pabudavana abvodnaja vietka z Bresckaha napramku čyhunki, čyhunačny puciepravod», — padzialiŭsia płanami Vasil Cibiež.
Taksama, pavodle jaho słoŭ, budzie pradoŭžana vulica Žukoŭskaha, na jakoj pabudujuć vieładarožku, tratuary, a taksama dvuchuzroŭnievuju raźviazku kštałtu «poŭny kaniušynavy list» z padziemnymi pierachodami i biezbarjernym asiarodździem.