Padadziena zajaŭka na šeście i mitynh u Kurapatach na Dziady
14.10.2019 / 09:54
Dziady ŭ Kurapatach u minułym hodzie, fota Voli Aficeravaj
Kansiervatyŭna-chryścijanskaja Partyja — BNF padała zajaŭku ŭ Minharvykankam i Minski abłvykankam na praviadzieńnie tradycyjnych miemaryjalnych mierapryjemstvaŭ na Dziady. Sioleta akcyja płanujecca 3 listapada (niadziela).
Praduhledžana praviadzieńnie šeścia i mitynhu ŭ tradycyjnym farmacie, paviedamlaje pres-słužba partyi.
Akcyja pravodzicca ŭ nastupnym farmacie: zbor kala zavoda «Pramień» na stancyi mietro Park Čaluskincaŭ, zatym šeście praśpiektam Niezaležnaści, vulicaj Kalinoŭskaha dy inšymi vulicami da ŭročyšča, žałobny mitynh u Kurapatach.
Nahadajem, što 29 kastryčnika ŭ Kurapatach taksama płanujecca «Noč rasstralanych paetaŭ», u 72-ja ŭhodki masavaha rasstrełu pradstaŭnikoŭ intelihiencyi va ŭročyščy.