Na palavańni ŭ Kiraŭskim rajonie zastreleny mužčyna
14.10.2019 / 11:38
Padčas palavańnia ŭ Kiraŭskim rajonie 12 kastryčnika zastrelili adnaho ź jaho ŭdzielnikaŭ. Zaviedziena kryminalnaja sprava za pryčynieńnie śmierci pa nieaściarožnaści, raspaviała TUT.BY aficyjny pradstaŭnik abłasnoha USK Anastasija Łaŭrynovič.
Zahinułamu 31 hod. Jon udzielničaŭ u zahonnym palavańni. Ad atrymanaha ranieńnia mužčyna zahinuŭ na miescy.
Zahinuły — miascovy palaŭničy. Jašče adzin udzielnik palavańnia — taksama miascovy, druhi pryjezdžy, raspaviali ŭ Kiraŭskaj rajonnaj struktury Biełaruskaha tavarystva palaŭničych i rybałovaŭ.
Na zahonnaje palavańnie jany adpravilisia z dazvołam na zdabyču dzika, łasia, kazuli. Palaŭničyja kažuć, što pryčyny śmiarotnaha ranieńnia palaŭničaha mohuć być roznyja — ad rykašetu kuli i vypadkovaści da parušeńniaŭ praviłaŭ palavańnia.