Erdahan zajaviŭ ab zhodzie Rasii na pašyreńnie tureckaj apieracyi ŭ Siryi
14.10.2019 / 12:58
Hurryet
Prezident Redžep Taip Erdahan zajaviŭ, što tureckaja armija ŭ ramkach vajennaj apieracyi «Krynica miru» zojmie horad Kabani, raźmieščany na turecka-siryjskaj miažy. Pra heta paviedamlaje Hurriyet.
Pavodle jaho słoŭ, pa hetaj temie chodziać roznyja čutki, ale aficyjnaja Ankara daviedałasia praz dypłamatyčnyja kanały, što rasijskija ŭłady stanoŭča staviacca da taho, kab tureckija vojski zaniali Kabani. «Padobna, što tam nie budzie prablem. My viadziem pieramovy z Rasijaj na vajennym i dyplamatyčnym uzroŭniach», - adznačyŭ prezident.
Taksama jon zajaviŭ ab płanach Turcyi harantavać biaśpiečny ŭvachod u horad Manbidž dla siryjskaj armii. Pry hetym Erdahan udakładniŭ, što turecki kantynhient nie budzie ŭvachodzić u horad. Kiraŭnik dziaržavy nahadaŭ, što ŭ Ankary było pahadnieńnie z ZŠA pa Manbidžu, zhodna ź jakim z hetaha nasielenaha punkta na praciahu 90 dzion pavinny byli być vyviedzienyja ŭsie terarysty, adnak hetaha nie adbyłosia. «Ciapier my ŭ pracesie realizacyi našaha rašeńnia. Manbidž pavinien być vyzvaleny ad bajevikoŭ. U jaho ŭvojduć jaho sapraŭdnyja haspadary - našy arabskija braty», - dadaŭ Erdahan.