U Biełarusi pryniali rašeńnie ab stvareńni novaj IT-VNU
14.10.2019 / 13:38
IT-VNU majuć namier stvaryć u Biełarusi da novaha navučalnaha hoda. Pra heta paviedamiŭ siońnia žurnalistam pieršy namieśnik premjer-ministra Alaksandr Turčyn paśla narady ŭ kiraŭnika dziaržavy pa asobnych pytańniach raźvićcia krainy ŭ ličbavaj śfiery, pieradaje BIEŁTA.
Narada stała praciaham sustrečy kiraŭnika dziaržavy z pradstaŭnikami IT-śfiery ŭ Parku vysokich technałohij, jakaja prajšła ŭ krasaviku hetaha hoda. Na joj aktyŭna abmiarkoŭvalisia pytańni adukacyi i padrychtoŭki śpiecyjalistaŭ dla haliny. Na naradzie hetaja tema, pavodle słoŭ Alaksandra Turčyna, atrymała łahičnaje zaviaršeńnie: kiraŭnik dziaržavy padtrymaŭ prapanovu ab stvareńni IT-VNU.
«Heta prapanova nie tolki IT-supolnaści, ale i našych viadučych VNU: BDU i BDUIR. Dumaju, što ŭ najbližejšy čas my ŭniasiom na razhlad kiraŭnika dziaržavy adpaviedny prajekt narmatyŭnaha pravavoha akta, jaki budzie rehulavać dziejnaść hetaj ustanovy adukacyi», — raskazaŭ pieršy vice -premjer.