U Buenas-Ajresie pasažyr mietro straciŭ prytomnaść i śpichnuŭ žančynu pad ciahnik, što nabližaŭsia
18.10.2019 / 10:48
Incydent adbyŭsia ŭ aŭtorak ranicaj, 15 kastryčnika, na stancyi mietrapalitena Puejredon. Na kadrach bačna, jak mužčyna, što abapiraŭsia na słup, hublaje prytomnaść i padaje na ludziej. U nastupnuju siekundu ź pierona padaje žančyna, u toj čas jak da stancyi imkliva padjazdžaje ciahnik.
Vidavočcy padbiehli da kraju płatformy i pačali padavać mašynistu znaki, razmachvajučy rukami i sumkami. Jak tolki ciahnik spyniŭsia za niekalki santymietraŭ ad pasažyrki, ludzi saskočyli na rejki i padniali paciarpiełuju. Nieŭzabavie na stancyju prybyli palicejskija i miedrabotniki i akazali arhiencincy nieabchodnuju dapamohu.