Łukašenka: Pryjšoŭ čas aktyŭna ŭklučać moładź u palityčnaje žyćcio krainy
18.10.2019 / 12:00
Ab hetym kiraŭnik dziaržavy zajaviŭ na sustrečy ŭ Akademii kiravańnia pry prezidencie Biełarusi, piša BiełTA.
Alaksandr Łukašenka padkreśliŭ, što kurs dziaržaŭnaj palityki ŭ Biełarusi niaźmienny: u krainie dziejničaje pryncyp pierajemnaści pakaleńniaŭ, zachavańnia lepšych dasiahnieńniaŭ minułaha.
«Amal treć našych hramadzian — kala 3 młn čałaviek — naradzilisia ŭ suvierennaj Biełarusi. Heta junaki i dziaŭčaty, jakija ŭsprymajuć rečaisnaść ŭžo z punktu hledžańnia žycharoŭ samastojnaj jeŭrapiejskaj dziaržavy, — skazaŭ jon. — I pryjšoŭ čas aktyŭna ŭklučać hetych maładych ludziej ŭ palityčnaje žyćcio krainy. Farmiravać dziaržaŭnaje myśleńnie ŭ tych, chto idzie za imi. Budavać dyjałoh pakaleńniaŭ na asnovie ŭzajemnaha davieru i pavahi. dyjałoh, u jakim vopyt i inavacyi, mudraść i rašučaść, aściarožnaść i śmiełaść znachodziacca ŭ harmonii i zhodzie».