Pieramirje na poŭnačy Siryi sarvana
18.10.2019 / 12:25
Niahledziačy na zaklučanuju napiaredadni damovu pamiž Turcyjaj i ZŠA ab pieramirji ŭ paŭnočnaj Siryi, z ranicy piatnicy ŭ hetym rehijonie adnaviłasia stralba, paviedamlaje Reuters. Krynica ahienctva paviedamiła, što z pryhraničnaha tureckaha horada Čejłanpiłar čutnyja artyleryjskija załpy na siryjskim baku, a ŭ horadzie Ras el Ajn, kantralavanym kurdami, pačalisia pažary.
Karespandent telekanała Al Mayadeen taksama paviedamiŭ ab parušeńni pieramirja. Pavodle jaho słoŭ, artyleryjski ahoń viaduć tureckija vajskoŭcy ŭ pravincyi Chasaka. Akramia hetaha praciahvajecca nastup atradaŭ siryjskaj apazicyi, jakija padtrymlivajucca Ankaroj.
Napiaredadni vice-prezident ZŠA i prezident Turcyi Redžep Erdahan zajavili ab tym, što vajennaja apieracyja na poŭnačy Siryi spyniajecca na 120 hadzin. Pa ŭmovach dasiahnutaha pahadnieńnia atrady kurdskich «Siryjskich demakratyčnych sił» pavinny adyści z terytoryi, jakuju ŭ Ankary razhladajuć jak zonu biaśpieki.