«Настаўнік з вучнем сядзіць нага за нагу і курыць» — Лукашэнка зноў раскрытыкаваў сітуацыю ў школах
18.10.2019 / 12:46
Аляксандр Лукашэнка сёння на сустрэчы ў Акадэміі кіравання зноў раскрытыкаваў сітуацыю ў школах, піша БелТА.
«У школе павінен быць парадак. Узгадайце тыя часы, калі жудасна было ўявіць, што цябе выключаць са школы. А зараз што? Гэтага нават няма. Сёння настаўнік з вучнем сядзіць нагу за нагу і курыць. І распавядаюць — сорамна нават казаць. Вось у што мы ператвараем школу», — звярнуў увагу Аляксандр Лукашэнка, адказваючы на пытанні слухачоў акадэміі.
На думку кіраўніка краіны, школа — гэта асаблівае месца ў жыцці чалавека. «Гэта храм, гэта больш чым царква. Ты прыйшоў туды атрымаць веды. Школа — гэта аснова асноў. Таму глядзіце, каб быў парадак, гэта таксама адно з галоўных пытанняў», — падкрэсліў Лукашэнка.