Znajšli kiroŭcu fury, jaki źbiŭ viełasipiedysta i ŭciok
18.10.2019 / 14:15
Apieratyŭniki UUS Minskaha abłvykankama vyśvietlili asobu kiroŭcy hruzavika DAF, jaki 12 kastryčnika kala 21:00 na vośmym kiłamietry aŭtadarohi R-80 Słabada-Papiernia kala vioski Raŭbičy Minskaha rajona źbiŭ 55-hadovaha viełasipiedysta i źbieh ź miesca zdareńnia. Viełasipiedyst ad atrymanych cialesnych paškodžańniaŭ pamior na miescy.
Jak paviedamlaje pres-słužba MUS, kiroŭcam akazaŭsia 36-hadovy žychar Lidy Hrodzienskaj vobłaści. Da momantu zatrymańnia mužčyna paśpieŭ zamianić paškodžanyja padčas zdareńnia častki aŭtamabila.