Erdahan nazvaŭ dezinfarmacyjaj paviedamleńni ab zryvie pieramirja ŭ Siryi
18.10.2019 / 14:38
Prezident Turcyi Redžep Erdahan zajaviŭ, što składzienaje napiaredadni pahadnieńnie ab spynieńni ahniu ŭ paŭnočnaj Siryi praciahvaje dziejničać, a źviestki ab ranišnich abstrełach źjaŭlajucca dezinfarmacyjaj, paviedamlaje ahienctva Reuters.
Pa słovach Erdahana, jon asabista razmaŭlaŭ na hetuju temu ź ministram abarony Turcyi, adznačaje Hurriyet. Apošni paviedamiŭ, što nijakich bajoŭ nie viadziecca, a kurdskija vajennyja farmiravańni adychodziać z zony biaśpieki na miažy ź Siryjaj.
Kiraŭnik tureckaj dziaržavy taksama adznačyŭ, što ŭ adpaviednaści z pryniatym płanam bufiernaja zona, jakaja harantuje biaśpieku jaho krainy, budzie raspaściracca da miažy ź Irakam, a ŭ hłybiniu składzie 32 kiłamietry.