Макей пацвердзіў, што Лукашэнка паедзе ў лістападзе ў Аўстрыю
21.10.2019 / 15:13
Аляксандр Лукашэнка наведае Аўстрыю з афіцыйным візітам 12 лістапада 2019 года. Інфармацыю пра гэта пацвердзіў міністр замежных спраў краіны Уладзімір Макей, адказваючы на пытанне Deutsche Welle на сумеснай прэс-канферэнцыі з міністрам замежных спраў Германіі Хайка Масам у панядзелак, 21 кастрычніка, у Берліне.
Па словах міністра, запрашэння кіраўніку Беларусі паступілі з некалькіх краін Еўрапейскага Саюза, сярод якіх была і Аўстрыя. Візіт у Вену запланаваны на 12 лістапада.
«Мы знаходзімся ў вельмі цесным кантакце з нашымі аўстрыйскімі партнёрамі і прапрацоўваем эканамічную частку праграмы. Акрамя гэтага, запланаваны перамовы прэзідэнтаў Аўстрыі і Беларусі», - сказаў Уладзімір Макей.