Litva: Niama nijakich vajennych pahroz suvierenitetu Biełarusi z zachodniaha boku
23.10.2019 / 21:39
Ministr nacyjanalnaj abarony Litvy Rajmundas Karoblis prakamientavaŭ zaniepakojenaść Biełarusi z nahody raźmiaščeńnia amierykanskich vojskaŭ u Litvie.
«Litva niepasredna zacikaŭlena ŭ zabieśpiačeńni niezaležnaści i terytaryjalnaj cełasnaści Biełarusi, a taksama ŭ pašyreńni ekanamičnaha supracoŭnictva. Tamu ja mahu z upeŭnienaściu skazać, što suvierenitet Biełarusi nie znachodzicca pad vajennaj ci niejkaj inšaj pahrozaj — z boku Zachad», — skazaŭ ministr nacyjanalnaj abarony Litvy Rajmundas Karoblis, adkazvajučy na reakcyju Biełarusi na raźmiaščeńnie amierykanskaha bataljona ŭ Litvie.
Nahadajem, učora Alaksandr Łukašenka daručyŭ dziaržsakrataru Rady biaśpieki i ministru abarony raspracavać i ŭ najbližejšy čas pradstavić jamu płan mierapryjemstvaŭ pa adekvatnym reahavańni na dziejańni, źviazanyja z raźmiaščeńniem u Litvie kala miažy ź Biełarussiu braniatankavaj techniki i kantynhientu ŭzbrojenych sił ZŠA.