Volski vystupiŭ ź pieśniami čatyroch svaich prajektaŭ FOTA
27.10.2019 / 10:13
Lavon Volski 26 kastryčnika daŭ u mienskim Prime Hall vialiki 4-hadzinny kancert ź pieśniami hurtoŭ «Mroja», N.R.M. i Zet, a taksama solnaha prajektu Volski, piša Radyjo Svaboda
Za niekalki dzion da kancerta ŭsie kvitki byli pradadzienyja.
Paśla hetaha kancerta Volski z hurtom vypraviacca ŭ tur: ciaham listapada vystupiać u Mahilovie, Viciebsku, Maładziečnie, Baranavičach i Słonimie, paśla pajeduć hrać u Kijeŭ, zatym u Brest, Hrodna, a ŭ śniežni daduć kancert u Salihorsku.
Pierad kancertam Volski ładziŭ konkurs kvveraŭ — pieramahli etna-hurt Guda (na fota) i rok-hurt Haina. Na pačatku kancertu pieršyja vykanali pieśniu «Mroi» «Ziamla», druhija — novuju pieśniu Volskaha «Źnikłyja ludzi» i niekalki ŭłasnych
«Mroja» była pieršym hurtam Volskaha. Zasnavanaja ŭ 1981 hodzie, pieršy vialiki kancert dała 7 listapada taho hoda. U savieckija časy «Mroja» hrała «zachodni» rok. Pastupova hurt staŭ chedłajneram tahačasnaj biełaruskaj rok-sceny