Стаматолаг выдаліў пацыенту самы доўгі ў гісторыі зуб ФОТА

31.10.2019 / 11:36

Стаматолаг з нямецкага горада Офенбах выдаліў пацыенту зуб даўжынёй 3,7 сантыметра і ўсталяваў сусветны рэкорд. Пра гэта паведамляе Deutsche Welle.

У аўторак, 29 кастрычніка, дантысту Максу Лукасу ўручылі сертыфікат Кнігі рэкордаў Гінэса за выдаленне ў чалавека самага доўгага ў гісторыі зуба.

У 2018 годзе жыхар горада Майнц звярнуўся ў лякарню са скаргай на востры зубны боль. Лукас агледзеў хворага і выявіў у яго анамальна доўгі зуб, які толькі на чвэрць выглядаў з дзясны.

1.46-inch tooth pulled by dentist declared world's longest by Guinness https://t.co/PMkXVn7bGi pic.twitter.com/ETFquCS77d

— Dave’s musings (@Davesmusings1) 30 октября 2019 г.

Стаматолаг аддаў год на збор неабходных дакументаў і праверкі зуба, каб зафіксаваць рэкорд Гінеса. Лукас падкрэсліў, што выдзеліць у сваім кабінеце спецыяльнае месца для сертыфіката. «Пра гэты рэкорд даведаюцца дантысты па ўсім свеце», - адзначыў доктар.

Nashaniva.com