У Беларусі зноў узніклі праблемы з доступам да пошты ProtonMail
15.11.2019 / 19:47
Беларускія інтэрнэт-карыстальнікі звярнулі ўвагу на тое, што абаронены паштовы сэрвіс ProtonMail зноў стаў недаступны ў Беларусі. Гэты сэрвіс вядомы тым, што яго выкарыстоўваюць звычайныя карыстальнікі для канфідэнцыйнай перапіскі, а таксама зламыснікі, якія «мініруюць» розныя грамадскія месцы праз паведамленні на ProtonMail, каб было немагчыма іх ідэнтыфікаваць.
Афіцыйнай інфармацыі наконт блакавання няма. Аднак раней у чэрвені гэтага года ўжо былі паведамленні пра тое, што сэрвіс ProtonMail недаступны ў Беларусі.