У Глуску легкавік перакуліўся ў раку — двое чалавек загінулі
16.11.2019 / 15:39
Ураніцы 16 лістапада ў раку Пціч у Глуску зваліўся аўтамабіль.
Калі прыехалі ратавальнікі, яны ўбачылі перакуленую «Шкоду Феліцыю» за 5 метраў ад берага.
Адбуксіраваўшы аўто, яны дасталі з салона 38-гадовага мужчыну і 48-гадовую жанчыну. Выратаваць іх не ўдалося.
Як паведамляе Магілёўскае абласное аддзеленне МНС, яшчэ адна пасажырка, 45-гадовая жанчына, выбралася з перакуленай машыны сама.