U San-Dyjeha ŭ vyniku stralaniny zahinuli troje dziaciej
17.11.2019 / 09:08
U San-Dyjeha (štat Kalifornija) u vyniku abstrełu žyłoha doma ŭ rajonie Paradise Hills zahinuli piać čałaviek, u tym liku troje dziaciej. Pra heta paviedamlaje The San Diego Union-Tribune.
Jak paviedamlaje vydańnie sa spasyłkaj na palicyju, usie zahinułyja byli členami siamji i siarod ich, vierahodna, toj, chto pačaŭ stralbu. Miascovy telekanał 10news adznačaje, što chłopčykaŭ piaci i dzieviaci hadoŭ dastavili ŭ balnicu, dzie daktary kanstatavali ich śmierć. Trochhadovaje dzicia i 29-hadovaja maci chłopčykaŭ zahinuli na miescy. Tam taksama znajšli miortvaha 31-hadovaha mužčynu, ale, pa dadzienych telekanała, jaho suviaź ź siamjoj pakul niajasnaja.
U palicyi paviedamili, što pieršy zvanok u ekstranuju słužbu pastupiŭ kala 06:49 pa miascovym časie. The San Diego Union-Tribune piša, što tady razmova nie adbyłasia, a dyśpietčar pačuŭ tolki hałasy ludziej, jakija spračalisia. Paśla taho, jak na miesca vyjechali supracoŭniki pravaachoŭnych orhanaŭ, pa numary 911 patelefanavali susiedzi, paviedamiŭšy, što pačuli svarku i streły.