U sudzie razhledziać skarhu Franka Viačorki
26.02.2009 / 11:43
U mienskim haradzkim sudzie siońnia buduć razhladać skarhu Franka Viačorki na niezakonnaje rašeńnie sudu ab pryzyvie ŭ vojska.
Nahadajem, 16 studzienia Franka Viačorku hvałtoŭna zatrymali ludzi ŭ cyvilnym u pałacie vajskovaha špitalu, dzie chłopiec prachodziŭ medyčnaje abśledavańnie. U kajdankach Franka pryvieźli ŭ vajenkamat, dzie jamu paviedamili, što jaho adviazuć u vajskovuju častku.
Tam ža vajskoŭcy zajavili, što ŭ ich na rukach jość vyniki medyčnaha zaklučeńnia ab tym, što Franak prydatny da słužby ŭ vojsku. Raniej chłopiec mieŭ adterminoŭku na paŭhady z‑za aperacyi na vačach i chraničnych chvarobaŭ. Franak u vajenkamacie zajaviŭ, što budzie skardzicca ŭ sud na niezakonnyja dziejańni vajskoŭcaŭ i medykaŭ, jakimi kamandavali ludzi ŭ cyvilnym.
Paśla hetaha Franka adpuścili i 19 studzienia jon źviarnuŭsia u sud Savieckaha rajona. Sud nakiravaŭ papiaredžańnie ŭ vajenkamat ab tym, što da razhladu skarhi prypyniajecca pryzyŭ Franka ŭ vojska. Ale 28 lutaha chłopca schapili na vulicy ludzi ŭ cyvilnym, źbili spačatku ŭ mašynie, a potym u vajenkamacie i ŭ kajdankach advieźli ŭ Baranavickuju vajskovuju častku. Baćkam chłopca paviedamili, što sud zavočna vynies rašeńnie ab zakonnaści pryzyvu Franka ŭ vojska.