Adkryty hiej vyjšaŭ na pieršaje miesca pa papularnaści siarod kandydataŭ-demakrataŭ u Aiovie
17.11.2019 / 16:25
Butydžydž z mužam na adnoj ź pieradvybarčych sustreč. Fota Asašyejted pres.
Pit Butydžydž (Pete Buttigieg) vyjšaŭ na pieršaje miesca pa papularnaści siarod kandydataŭ ad Demakratyčnaj partyi ŭ sacapytańniach u štacie Aiova.
Butydžydža padtrymlivajuć 25% vybarcaŭ-demakrataŭ. I centryst Bajden, i levyja Uoren i Sanders karystajucca padtrymkaj prykładna 16% vybarcaŭ.
Butydžydž — pieršy adkryty hiej, jaki zmahajecca za pasadu prezidenta ZŠA. Jon mer nievialikaha horada Saŭsbend u kansiervatyŭnym štacie Indyjana. Pra toje, što jon hiej, jon publična paviedamiŭ pierad pieraabrańniem na hetuju pasadu ŭ 2015-m. U 2018-m jon pabraŭsia šlubam z mužčynam.
Pit Butydžydž (sprava) i jaho muž Časten Hlezman. Fota časopisa «Tajm».
Paralelna z palityčnaj karjeraj Butydžydž dobraachvotna adsłužyŭ u armiejskim reziervie. Hety ščupleńki mužčyna šeść miesiacaŭ pravajavaŭ u Afhanistanie, dasłužyŭsia da lejtenanta raźviedki.
Aiova — heta sielskahaspadarčy štat, jaki tradycyjna hałasuje pieršy na pieradvybarach. Jak praviła, kandydaty, jaki pieramahajuć u Aiovie i Ńju-Hiempšyry, što hałasuje druhim, pieramahajuć i va ŭsioj krainie.
Pieradvybary ŭ Aiovie, tak zvanyja «kokusy», adbyvajucca 3 lutaha.
U ahulnaamierykanskich apytańniach Butydžydž siarod demakrataŭ pakul 4-y, jon robić staŭku na dobry vynik u Aiovie i spadziajecca, što heta daść turbastart jaho kampanii.