Rejtynh najlepšych ahraturystyčnych siadzibaŭ Biełarusi
Hran‑pry atrymała siadziba «Nad Niomanam» (Łidski rajon).
26.02.2009 / 17:24
Na druhoj śpiecyjałizavanaj kanfierencyi «Ahraturyzm u Respubłicy Biełaruś — stan i pierśpiektyvy razvićcia» byłi abjaŭleny vyniki pieršaha respubłikanskaha konkursu «Lepšaja siadziba hoda».
Hran‑pry atrymała siadziba «Nad Niomanam» (Łidski rajon).
U jakasci ŭznaharody haspadary Aksana i Valeryj Sialkoŭskija pajeduć pa turystyčnych pucioŭkach na italjanski vostraŭ Sardynija.
U naminacyi «Hascinnaść» pieramahła siadziba «Na Zarečnaj vułicy» (Kobrynski rajon). Lepšymi «zialonymi» siadzibami byłi pryznany «Krołava chata» (Rasonski rajon) i «Dakudava» (Łidski rajon).
U naminacyi «Styl i harmonija» lepšaj stała siadziba «Viazynka» (Maładziečanski rajon), u naminacyi «Zdarovy ład žyćcia» — siadziba «Piasčany bierah» (Bychaŭski rajon). U naminacyi «Za zachavańnie biełaruskich tradycyj» biassprečnym łidaram stała siadziba «Pryaziornaja» Lepielskaha rajona.