Tysiačy biełarusaŭ raźvitalisia z Kalinoŭskim pad nacyjanalnymi ściahami — šmat FOTA Nadziei Bužan
22.11.2019 / 19:44
Tysiačy biełarusaŭ uziali ŭdzieł va ŭračystaj cyrymonii pachavańnia Kastusia Kalinoŭskaha i dvuch dziasiatkaŭ paŭstancaŭ 1863 hoda.
Vulicami Vilni prajšło hrandyjoznaje šeście pad bieł-čyrvona-biełymi ściahami. Jaho možna ličyć samaj masavaj biełaruskaj manifiestacyjaj za miežami sučasnaj krainy. Pryčym našych ściahoŭ było ŭ razy bolš, čym litoŭskich ci polskich.
Na cyrymonii raźvitańnia z Kalinoŭskim prysutničali prezidenty Litvy i Polščy, piśmieńnik Uładzimir Arłoŭ, były kiraŭnik Biełarusi Stanisłaŭ Šuškievič, staršynia Rady BNR Ivonka Surviła, mastak Alaksiej Maračkin, śpiavačka Kasia Kamockaja, hramadskija dziejačy Pavieł Biełavus, Źmicier Daškievič, Alena Makoŭskaja i Nina Šydłoŭskaja, palityki Uładzimir Niaklajeŭ, Pavieł Sieviaryniec, Mikoła Statkievič, a taksama mnohija inšyja nieabyjakavyja biełarusy. Aficyjnuju delehacyju ŭznačalvaŭ vice-premjer Ihar Pietryšenka.
Kalinoŭski pajadnaŭ u kałonie ludziej roznych palityčnych pohladaŭ. Chryściianskija demakraty i libierały, nacyjanalisty i sacyjalisty, vierniki i ateisty išli razam.
Ihar Pietryšenka vystupaŭ pa-biełarusku, zapeŭniŭ, što Kalinoŭski nazaŭždy ŭpisany ŭ historyju Biełarusi. Adnak, kali zajaviŭ, što asobu kiraŭnika paŭstańnia nie treba vykarystoŭvać u palityčnych metach, słuchačy na vulicy stali aśvistvać Pietrušenku. Čułasia mahutnaje skandavańnie «Hańba».
Raźvitańnie adbyłosia ŭ Kafiedralnym sabory-bazilicy Sv. Stanisłava i Sv. Uładzisłava ŭ centry Vilni. Paśla pracesija rušyła da mohiłak Rosy. Pa darozie spynilisia kala Vostraj Bramy, dzie adbyłasia malitva.
Mnohija siemji pryjechali z dziećmi. A źleva — palityk Alaksiej Janukievič z płakatam «Biełaruś šanuje svaich hierojaŭ».
Arcybiskup Tadevuš Kandrusievič nakiroŭvajecca ŭ sabor.
Prezident Litvy Hitanas Naŭsieda z žonkaj.
Prezident Polščy Andžej Duda z žonkaj.
Biełarusy na vulicach Vilni.
Biełarusy stajali vakoł Katedry ad samaha ranku.
Truny Zyhmunta Sierakoŭskaha i Kastusia Kalinoŭskaha vieźli na łafiecie.
Kiraŭnik biełaruskich unijataŭ (hreka-katalikoŭ) a. Siarhiej Hajek.
Stvaralnik «Movynanova», šoŭmen Hleb Łabadzienka z siamjoiu.
Šeście idzie vulicami Vilni.
Paet i palityk Uładzimir Niaklajeŭ.
Sprava naleva: paet i palityk Uładzimir Niaklajeŭ, palityk, były vajskoviec Mikoła Statkievič i jahonaja žonka Maryna Adamovič.
Piśmieńnik Uładzimir Arłoŭ.
Addać daninu pamiaci hieroju pryjechali ludzi roznych uzrostaŭ i sacyjalnych hrup.
Addać daninu pamiaci hieroju pryjechali ludzi roznych uzrostaŭ i sacyjalnych hrup.
Ludzi hladziać tranślacyju pachavańnia na vialikim ekranie kala mohiłak Rosy.
Hierojaŭ-paŭstancaŭ unosiać na mohiłki Rosy.
Ludzi stajać sa śviečkami vakoł mohiłak Rosy.
Ludzi skandavali «Žyvie Biełaruś», śpiavali «Pahoniu» i «My vyjdziem ščalnymi radami».