Rumas na sustrečy z ukrainskim premjeram: Situacyja ŭ nas stabilnaja, ale VUP nie raście

22.11.2019 / 20:04

Premjer-ministr Biełarusi Siarhiej Rumas prapanavaŭ ukrainskamu kalehu Alaksieju Hančaruku prapracavać kankretnyja sumiesnyja prajekty dla rostu ekanomik dźviuch krain. Sustreča premjeraŭ prachodzić siońnia ŭ Łondanie na palach inviestycyjnaha samitu, pieradaje BiełTA.

«Situacyja ŭ ekanomicy Biełarusi stabilnaja — nizkaja inflacyja, dastatkovy ŭzrovień ZVR, adnak pa VUP nie raściom, heta prablema. Tamu treba dumać, što razam rabić z brackaj Ukrainaj, kab my i vy raśli chutčej», — skazaŭ Siarhiej Rumas.

Alaksiej Hančaruk prapanavaŭ prapracavać mahčymyja prajekty ŭ raźvićcio damoŭlenaściej prezidentaŭ Ukrainy i Biełarusi ŭ roznych sfierach — ad infrastrukturnych i enierhietyčnych prajektaŭ da turystyčnych.