Сур'ёзная аварыя ля Маладзечна: сутыкнуліся маршрутка і «Рэно». Траўмы атрымалі дзевяць чалавек
26.11.2019 / 11:32
Сур'ёзная аварыя адбылася на трасе Мінск — Маладзечна.
Здарэнне адбылося 26 лістапада каля 10:00, непадалёк ад вёскі Мясата Маладзечанскага раёна. Як паведамляе прэс-служба МУС, кіроўца «Рэно» заснуў за рулём, выехаў на сустрэчную паласу і ўрэзаўся ў мікрааўтобус Mercedes, які рухаўся ў напрамку Мінска. У мікрааўтобусе было 15 пасажыраў, у «Рэно» пасажыраў не было.
На дадзены момант па медыцынскую дапамогу звярнуліся 9 чалавек, двое з іх — з цяжкімі цялеснымі пашкоджаннямі. Дакладная колькасць пацярпелых удакладняецца.