Karajeŭ: Mnie ŭsio adno, kolki złavili piešachodaŭ. Hałoŭnaje — adsutnaść skarhaŭ na milicyju
01.12.2019 / 20:44
Ministr unutranych spraŭ Juryj Karajeŭ ličyć, što hałoŭnaje ŭ acency paśpiachovaści pracy milicyi — adsutnaść skarhaŭ na dziejańni pravaachoŭnikaŭ. Pra heta jon zajaviŭ u efiry ANT.
«Mnie absalutna ŭsio adno, kolki administratyŭna zatrymanych, kolki złavili piešachodaŭ, jakija nie tak pierajšli darohu. Hetyja ličby mianie nie chvalujuć. Mianie chvaluje adsutnaść skarhaŭ na milicyju. Što niechta ź ich pavodziŭ siabie hruba, nietaktoŭna, čaplaŭsia da hramadzian».
U jakaści alternatyŭnaj acenki Karajeŭ prapanavaŭ ličyć kolkaść praviedzienych prafiłaktyčnych razmovaŭ.