Žychar Viciebska ŭ svoj dzień narodzinaŭ skraŭ z sałona mulaž telefona
02.12.2019 / 13:16
Pra vypadak paviedamlaje abłasnaja milicyja.
Mužčyna pajšoŭ u sałon suviazi, dzie adkryta skraŭ vystavačny mulaž telefona koštam usiaho vosiem rubloŭ.
Kamiera videanazirańnia zafiksavała, jak padazravany zajšoŭ u pamiaškańnie i pačaŭ razhladać hadžety. U niejki momant jon schapiŭ pieršy telefon, jaki patrapiŭ pad ruku, i paśpiašaŭsia źbiehčy ź miesca złačynstva.
Pradaŭcy sałona vyklikali milicyju. Tady ž i vyśvietliłasia, što zdabyčaj złamyśnika staŭ nie novieńki hadžet, a jaho mulaž. Nieŭzabavie supracoŭnikam kryminalnaha vyšuku stała viadomaja i asoba mužčyny. Sprabujučy syści ad adkaznaści, jon niekalki dzion žyŭ na zdymnaj kvatery. I niahledziačy na ŭsie sproby schavacca ad pravaachoŭnikaŭ, byŭ zatrymany.