Biełaruska Taćciana Markievič uznačaliła top-list bambardziraŭ rasijskaj valejbolnaj supierlihi
04.12.2019 / 22:21
Napadajučaja zbornaj Biełarusi Taćciana Markievič, jakaja vystupaje za «Dynama-Mietar» (Čalabinsk), uvajšła ŭ lik lidaraŭ pa statystycy siomaha tura rasijskaj supierlihi. Takaja infarmacyja źmiaščajecca na aficyjnym sajcie Usierasijskaj fiederacyi valejboła, paviedamlaje BiełTA.
Taćciana Markievič dapamahła svajoj kamandzie vyjhrać u krasnadarskaha «Dynama» — 3:2 (25:22, 15:25, 25:19, 23:25, 15: 7). Na jaje rachunku 23 ački, amal usie ź jakich stali brejkavymi. Takaja vynikovaść dazvoliła joj apynucca na pieršym miescy ŭ liku najlepšych bambardziraŭ druhoha tura.
Taksama ŭ liku aktyŭnych hulcoŭ 7-ha tura znachodzicca biełaruska Nastassia Harelik, jakaja vystupaje za «Leninhradku». Padčas matču suprać «Urałački - NTMK» napadajučaja paśpiachova zaviaršyła 16 napadaŭ na abarončyja paradki svajho byłoha kłuba.