Maryja Vasilevič raspaviała, jaki zakon choča prašturchnuć u parłamiencie
06.12.2019 / 11:48
Samy małady deputat Pałaty pradstaŭnikoŭ Maryja Vasilevič płanuje zaniacca ŭsurjoz dapracoŭkaj zakonaprajekta «Ab abychodžańni z žyviołami». Pra heta dziaŭčyna raspaviała «Minsk-Navinam».
Nahadajem, hety dakumient doŭhija hady lažyć u partfielach deputataŭ i pierachodzić pa spadčynie ad adnaho sklikańnia da inšaha.
— Mnie nie zrazumieła, čamu tak adbyvajecca, moža, parłamientaryi ličać, što heta nie važny zakon, - vykazała zdahadku M. Vasilevič.
Darečy, adna ź pieršych spraŭ, jakimi zojmiecca jana ŭžo jak deputat parłamienta, stanie razhlad pa prośbie žycharki Bresta faktu žorstkaha abychodžańnia z žyviołami.
U samoj Maryi niama chatniaha hadavanca, adnak jana skazała, što vielmi lubić žyvioł i, mahčyma, chutka zaviadzie sabie čaćvieranohaha siabra.