Biełaruska Alina Zmuška prabiłasia ŭ finał Čempijanata Jeŭropy pa płavańni
06.12.2019 / 21:45
Biełaruskaja płyŭčycha Alina Zmuška zaniała siomaje miesca ŭ kvalifikacyi na dystancyi 100 m brasam na čempijanacie Jeŭropy pa płavańni na karotkaj vadzie (daŭžynia basiejna 25 m), jaki prachodzić u Hłazha (Vialikabrytanija), paviedamlaje BiełTA.
Biełaruska prapłyła stomiatroŭku za 1 chv. 5,3 siek. Najlepšy čas pakazała irłandka Mona Makšary — 1 chv. 4,36 siek. Druhi vynik u italjanki Marciny Karara - 1 chv. 4,63 siek. Treciaj stała finskaja spartsmienka Jienna Łaukanien (1 chv. 4,97 siek.).
U finalny zapłyŭ, jaki projdzie 7 śniežnia, adbirajucca vosiem najmacniejšych płyvuńniaŭ pa vynikach kvalifikacyj.
Čempijanat Jeŭropy na karotkaj vadzie źjaŭlajecca adboračnym da suśvietnaha forumu 2020 hoda. Zavieršacca spabornictvy 8 śniežnia.