Šamana, jaki znoŭ išoŭ ź Jakucii da Pucina, znoŭ zatrymali
10.12.2019 / 15:47
RFE / RL
U Jakucii zatrymali šamana Alaksandra Habyšava, jaki išoŭ u Maskvu «vyhaniać prezidenta Rasii Uładzimira Pucina» i adnaviŭ svoj pachod dva dni tamu. Pra heta zajaviŭ kaardynatar pravaabarončaj arhanizacyi «Pravaabarona Paštoŭki» Alaksiej Pranišnikaŭ, piša TASS.
«U aŭtorak [10 śniežnia] Habyšaŭ i niekalki jaho paplečnikaŭ byli zatrymanyja na terytoryi Jakucii. Dla hetaha pravaachoŭniki pryciahnuli niekalki palicejskich ekipažaŭ», — skazaŭ pravaabaronca, nie ŭdakładniŭšy, na jakoj padstavie zatrymali šamana z adnadumcami i kudy ich paviazuć.
Raniej stała viadoma ab adnaŭleńni pachodu Habyšava. Paŭtorna na Maskvu jon vyjšaŭ 8 śniežnia z dvuma ludźmi i čatyrma sabakami. Pranišnikaŭ adznačyŭ, što šaman bolš nie pad padpiskaj ab niavyjeździe i «nie abmiežavany nijakimi mierami».
Pra svoj namier adnavić pachod Habyšaŭ zajaviŭ 10 kastryčnika. «Usia Rasija za mianie, prostyja ludzi ŭsie za mianie. Ja budu iści sa svaim mierkavańniem, choć miljard budzie pierada mnoj prychilnikaŭ Pucina, choć usia Ziamla za jaho budzie. <…> Mnie hałoŭniej zahad boha», — skazaŭ jon.
Pierad hetym Habyšava zatrymlivali 19 vieraśnia.