«Paŭlinku» pryznali niemateryjalnaj kaštoŭnaściu
11.12.2019 / 16:01
kupalauski.by
Śpiektakl «Paŭlinka» Kupałaŭskaha teatra pryznany niemateryjalnaj historyka-kulturnaj kaštoŭnaściu.
Pra heta na svajoj staroncy ŭ fejsbuku paviedamiŭ Aleś Suša, namieśnik dyrektara Nacyjanalnaj bibłijateki Biełarusi.
«Nie pavierycie! Tolki što pryniataje rašeńnie ab nadańni statusa niemateryjalnaj historyka-kulturnaj kaštoŭnaści teatralnamu fienomienu — Kupałaŭskaj «Paŭlincy»! Voś tak. Adzinahałosnaje rašeńnie Rady [Respublikanskaja navukova-mietadyčnaja rada pa pytańniach historyka-kulturnaj spadčyny pry Ministerstvie kultury].
Na pradstaŭleńni naminacyi aprača dyrektara teatra Paŭła Łatuški i Maryi Zacharevič vystupaŭ Arnold Pamazan, jaki ŭžo bolš 1000 razoŭ vychodziŭ na scenu ŭ roli pana Bykoŭskaha.
«Paŭlinku» Janka Kupała napisaŭ u 1912 hodzie, pieršy raz jana była pastaŭlena ŭ 1913-m. U Kupałaŭskim «Paŭlinka» niaźmienna idzie ad 1944 hoda, źjaŭlajučysia adnoj ź vizitovak teatra.