Prezientacyja abnoŭlenaj nastołki «Paŭstancy» adbudziecca 15 śniežnia ŭ Minsku i 18 śniežnia ŭ Hrodnie
U niadzielu 15 śniežnia a 15-j adbudziecca prezientacyja nastolnaj hulni «Paŭstancy» ŭ bary «Kalinoŭski» (Minsk, vuł. Zybickaja 4).
12.12.2019 / 13:46
Na palicach kramaŭ hulnia źjavicca z 16 śniežnia. A na radzimie hulni, u Hrodnie, prezientacyja adbudziecca 18 śniežnia.
«Paŭstancy» — biełaruskaja nastolnaja hulnia, jakaja prapanuje pahłybicca ŭ atmaśfieru dalokaha 1863 hoda i zaniać miesca znakamitaj histaryčnaj asoby (Kalinoŭskaha, Urubleŭskaha, Muraŭjova i inš.) albo ŭ jakaści prostaha biełarusa paŭpłyvać na vyniki paŭstańnia. Upieršyniu «Paŭstancy» vyjšli ŭ 2013 hodzie i nabyli vialikuju papularnaść.
U druhoj redakcyi hulnia nabyła novy vyhlad i stała bolš dynamičnaj, pašyryłasia jaje histaryčnaje napaŭnieńnie, a taksama źjavilisia dva dadatki — «Praklon» i «Padziei».