Śledčyja nazvali asnoŭnuju viersiju zabojstva Paŭła Šaramieta

12.12.2019 / 18:43

Ukrainskija śledčyja pryjšli da asnoŭnaj viersii zabojstva žurnalista Paŭła Šaramieta — destabilizacyja situacyi va Ukrainie. Pra heta na terminovym bryfinhu paviedamiŭ namieśnik kiraŭnika palicyi Ukrainy Jaŭhien Koval.

«Śledstva vysunuła šerah viersij. A mienavita: pamyłka ŭ abjekcie złačynstva, bytavyja i mižasobasnyja kanfliktnyja situacyi, prafiesijnaja dziejnaść žurnalista va Ukrainie, Biełarusi i Rasii. I čaćviortaja viersija — heta destabilizacyja sacyjalna-palityčnaj situacyi ŭ dziaržavie šlacham zabojstva viadomaha čałavieka», — zajaviŭ jon.

Pa słovach Kovala, u chodzie rasśledavańnia śledčyja adkinuli try viersii z čatyroch.

«Śledztva praciahnuła pracavać pa asnoŭnaj viersii — destabilizacyja sacyjalna-palityčnaj situacyi ŭ dziaržavie šlacham zabojstva viadomaha čałavieka», — skazaŭ jon.

Nashaniva.com