Prakuratura pra pryznańni bajca eskadrona śmierci: «Heta SK pavinien reahavać». A SK pakul «vyvučaje materyjały»
16.12.2019 / 17:58
«Naša Niva» spytałasia ŭ pres-słužbie Hienieralnaj prakuratury, ci budzie niejkaja reakcyja na materyjał «Niamieckaj chvali», u jakim były śpiecnazaviec nazyvaje siabie ŭdzielnikam zabojstvaŭ biełaruskich palitykaŭ i pryvodzić detali i miescy pachavańniaŭ.
Čytajcie: Były śpiecnazaviec: Ja ŭdzielničaŭ u zabojstvie Zacharanki i Hančara
«Dzie znachodzicca sprava? U Śledčym kamitecie. Heta śledčy pavinien reahavać, a nie prakuror, bo my choć cikavimsia i nazirajem, ale my nahladny orhan, a nie śledčy. Viadoma, my čytajem naviny, i śledčyja čytajuć, i milicyja. Napeŭna, niejkaja reakcyja budzie»,
— adkazaŭ aficyjny pradstaŭnik Hienieralnaj prakuratury Dźmitryj Bryleŭ.
Śledčy Kamitet nie adkazaŭ na pytańni «Našaj Nivy», spasłaŭšysia na toje, što «treba vyvučyć materyjały».