Škoda ad pažaru na adzinym rasijskim avijanoscy takaja vysokaja, što praściej pabudavać novy karabiel
18.12.2019 / 22:28
Pavodle «Kommiersanta», pažar na adzinym rasijskim avijanoscy «Admirał Kuźniacoŭ» nanios jamu škodu ŭ pamiery bolš za paŭtara miljarda dalaraŭ. Hetaja suma praktyčna roŭnaja koštu novaha karabla.
Vydańnie adznačaje, što košt karabla takoha kłasa z anałahičnym terminam słužby z ulikam znošanaści karkasa i biez ŭzbrajeńnia dasiahaje $1,75 miljarda. Krynica ŭdakładniła, što ahučanaja na naradzie suma škody «vyklikała vialikaje abureńnie ŭ kamandavańnia VMF».
Los paciarpiełaha avijanosca pakul što nie vyznačany, ale, chutčej za ŭsio, jaho buduć adnaŭlać, ale «bolš z-za jaho lehiendarnaści, čym bajavoj zdolnaści».