Biełaruś, Kazachstan i Kyrhyzstan raskrytykavali zakon ab pieradustanoŭcy rasijskich dadatkaŭ na telefony
23.12.2019 / 08:44
Try-krainy ŭdzielnicy Jeŭrazijskaha ekanamičnaha sajuza (JEAES) vystupili suprać rasijskaha zakona, jaki abaviazvaje stavić rasijskija prahramy na kampjutary, telefony i razumnyja televizary.
Jak paviedamlajuć «Viedomosti», udzielniki JEAES abmierkavali zakon 13 śniežnia na naradzie departamienta funkcyjanavańnia ŭnutranych rynkaŭ Jeŭrazijskaj ekanamičnaj kamisii (JEEK).
Pradstaŭniki Biełarusi, Kazachstana, Kyrhyzstana ličać, što rasijskija papraŭki mohuć abmiežavać abarot technična składanych tavaraŭ z krain JEAES ŭ Rasiju i stvaryć pieraškody funkcyjanavańniu ŭnutranaha rynku sajuza.
U pres-słužbie JEEK paviedamili, što kamisija vyvučaje mierkavańni ŭdzielnikaŭ sajuza i pakul nie vyrašyła, ci pieraškadžaje zakon handlu.