ZŠA adkazali na słovy Pucina pra vinoŭnikaŭ Druhoj suśvietnaj
30.12.2019 / 18:07
Ambasadar ZŠA ŭ Polščy Džordžet Mosbachier ličyć, što fiurer Treciaha rejcha Adolf Hitler i lidar SSSR Iosif Stalin byli zavadatarami Druhoj suśvietnaj vajny. Pra heta jana napisała na staroncy ŭ Twitter.
«Pavažany prezident Pucin, mienavita Hitler i Stalin pahadzilisia pačać Druhuju suśvietnuju vajnu. Heta fakt. Polšča stała achviaraj hetaha žudasnaha kanfliktu», — adkazała dypłamat na słovy Pucina ab adnosinach Polščy da nacysckaj Hiermanii.
Nahadajem, tema pradvajennaj palityki šerahu jeŭrapiejskich dziaržaŭ była zakranutaja Uładzimiram Pucinym na śniežańskim samicie z udziełam lidaraŭ krain SND.