Rasija vydała amal 200 tysiač svaich pašpartoŭ žycharam Danbasa
02.01.2020 / 16:31
U Rasii zajavili, što amal 200 tysiač žycharoŭ akupavanaha Danbasa atrymali rasijskaje hramadzianstva ŭ sproščanym paradku letaś, paviedamlaje TASS.
U rasijskim MUS udakładnili, što bolš za 136 tysiač ź ich — žychary tak zvanych «DNR» i «ŁNR» i kala 60 tysiač — žychary ź inšych rajonaŭ Danieckaj i Łuhanskaj abłaściej.
232 zajavy ab pryjomie ŭ rasijskaje hramadzianstva adchilili z-za abmiežavańnia na ŭjezd u Rasiju, niaźniataj abo niepahašanaj sudzimaści abo kryminalnaha pieraśledu.