Polšča: Niemahčyma pastaŭlać naftu pa «Družbie» ŭ aviersnym i reviersnym režymie adnačasova
14.01.2020 / 20:58
Infrastruktura naftapravoda «Družba» nie dazvolić polskamu apierataru transpartavać naftu ŭ Biełaruś, zachavaŭšy pastaŭki na svaje NPZ, zajavili RIA Novosti ŭ pres-słužbie polskaha apieratara «Družby» kampanii PERN.
Fota: Nadzieja Bužan.
Raniej pieršy vice-premjer Biełarusi Dźmitryj Kruty zajaviŭ, što Minsk razhladaje pastaŭki nafty z Ukrainy, Polščy, krain Bałtyi, Kazachstana, Azierbajdžana.
«Ciapierašniaja techničnaja infrastruktura trubapravoda «Družba» robić niemahčymaj pieradaču nafty z bazy ŭ Adamavie va ŭschodnim kirunku pry zachavańni bieśpierapynnaści pastavak dla biahučych klijentaŭ PERN, ź jakimi majucca dziejnyja dahavory ŭ halinie transparciroŭki nafty na NPZ», — śćviardžajuć u pres-słužbie.
Adkazvajučy na pytańnie, ci viaducca ŭ pryncypie ź Biełaruśsiu pieramovy ab pastaŭkach nafty, u pres-słužbie adkazali, što «tematyka hetych hutarak źjaŭlajecca kamiercyjnaj tajnaj».