МЗС Расіі: Чырвоная армія выратавала палякам жыццё, а свабоду трэба было адстойваць самім
18.01.2020 / 17:27
Міністэрства замежных спраў Расіі ў твітары адрэагавала на заяву польскіх калег аб тым, што вызваленне Варшавы ад нацысцкіх акупантаў Савецкім Саюзам не прынесла краіне свабоды.
«Вызваліўшы Варшаву і ўсю Польшчу ад нацыстаў, Чырвоная Армія выратавала палякам жыццё. Свабоду ж трэба было адстойваць самім», — заявіла Расія.
У адказ польскі бок звярнуў увагу на тое, што Масква ўпершыню афіцыйна прызнала, што ўступленне СССР у 1945-м «не было звязана з прыходам у Польшчу свабоды».
«Гэта верны крок у бок сумеснай праўды пра 1945 год. Дзякуй», — заявілі ў польскай дыпмісіі.