Kurnik: hatujecca doŭha, ale jano taho varta
Zimovyja śviaty skončylisia, ale heta nie pryčyna sumavać. Možna zaŭsiody stvaryć śviata dla svajoj siamji, pastaviŭšy na stoł kurnik.
19.01.2020 / 09:30
Tak, pryhatavańnie hetaj stravy zojmie niejki čas, ale budźcie ŭpeŭnieny, što jano taho varta. Da i tolki adzin kavałačak hetaha piraha tak nasyčaje, čto možna bolš ničoha i nie hatavać.
Na ciesta:
2 šklanki muki;
125 h masła;
125 h śmiatany;
2 jajki.
Źmiašać rastoplenaje masła, śmiatanu i jajki z mukoj. Vymiesić hładkaje ciesta. Dadać muki, kali ciesta zanadta lipkaje. Abharnuć plonkaj i pakinuć u chaładzilniku minimum na 30 chvilin.
Na kurynuju načynku:
1 kuryca (prykładna 1,5 kh);
2 st.ł. masła;
2 st.ł. muki;
Pa niekalki halinak kropu i piatruški.
Kurycu razrezać na pałovu ci na bolš drobnyja kavałki i varyć u salonaj vadzie prykładna 40 chvilin. Astudzić, addzialić ad kostak i narezać kavałkami. Kali chočacca troški aščadzić čas i być upeŭnienym u sakavitaści kurycy, možna ŭziać hatovuju kurycu hryl.
Na patelni razahrajem masła, dadajem muku i trochi kurynaha bulonu. Pavinien atrymacca nie vielmi husty sous. Dadajem da patelni kavałki kurycy, pieramiešvajem, zdymajem z ahnia. Dadajem drobna pasiečanuju zielaninu. Solim, pierčym pa smaku.
Na hreckuju načynku:
1 šklanka pryhatavanaj hrečki (na 0,5 šklanki suchoj krupy 1 šklanka vady);
1 st.ł. masła;
25 h suchich hryboŭ;
dźvie cybuliny;
2 varanyja jajki.
Suchija hryby zalivajem haračaj vadoj na chvilin 10. Cybulu drobna narazajem i smažym na patelni z masłam chviliny 3. Dadajom narezanyja hryby i smažym jašče chvilin 5.
Varanyja jajki narazajem kavałačkami, źmiešvajem z hrečkaj, cybulaj i hrybami. Solim, pierčym pa smaku.
Na bliny:
dźvie šklanki muki;
3 šklanki małaka;
2 jajki;
2 č.ł. soli;
4 č.ł. cukru;
2 st.ł. aleju.
Źlohku ŭźbić jajki, dadać małako, sol, cukar i alej. Usypać muku patrochu i pastajanna pieramiešvać ciesta. Śpiekčy blinčyki na haračaj patelni, jakuju treba zmazać alejem.
Zborka piraha
Ciesta padzialić na dva kavałki — adzin bolšy, adzin mienšy. Mienšy kavałak raskačać u kruh.
Na blachu vykłaści pierhamient, trochi pašmaravać jaho masłam. Pakłaści na pierhamient raskačanaje ciesta, navierch 2-3 blinčyki. Kładziom častku kurynaj načynki, nakryvajem blinčykami, kładziem hreckuju načynku i h.d. U mianie atrymalisia 2 słoi kurynyja i 3 hreckija. Źvierchu lepiej, kab akazalisia blinčyki. Ich nakryvajem druhim kavałkam raskačanaha ciesta i zaščypvajem unizie kraj. Vierch šmarujem jajkam z małakom, kali chočam atrymać załacisty piroh. Robim niekalki dzirak na pirahu, kab haračaje pavietra vychodziła.
Vypiakajem 45 chvilin pry 180 hradusach.
Smačna jeści!