Raŭkoŭ pryznačany dziaržsakratarom Rady biaśpieki
20.01.2020 / 12:47
Andrej Raŭkoŭ i Valeryj Vakulčyk. Fota Siarhieja Hudzilina
Ministr abarony hienierał-lejtenant Andrej Raŭkoŭ pryznačany na pasadu dziaržaŭnaha sakratara Rady biaśpieki. Adpaviednaje kadravaje rašeńnie pryniaŭ Alaksandr Łukašenka, piša BIEŁTA.
«Ja ŭčora pryniaŭ rašeńnie ab pryznačeńni vas u sakrataryjat Rady biaśpieki dziaržaŭnym sakratarom. Naturalna, vyzvalilisia pasady, i ja nie paličyŭ patrebnym z hetym ciahnuć. My ludzi vajennyja, čas niaprosty. Heta nie značyć, što zaŭtra vajna i nam z kimści pryjdziecca vajavać — ni ŭ jakim razie. Ale vajennaja arhanizacyja nie tryvaje niavyznačanaści», — padkreśliŭ Alaksandr Łukašenka.