Novy ministr abarony raspavioŭ, na što źviernie ŭvahu ŭ pieršuju čarhu
20.01.2020 / 13:55
Alaksandr Volfavič, Viktar Chrenin i Andrej Raŭkoŭ
Viktar Chrenin, pryznačany siońnia ministram abarony, raspavioŭ žurnalistam ab pryjarytetach svajoj pracy na novaj pasadzie, piša BiełTA
«U pieršuju čarhu — praca ź ludźmi. U hramadstvie jość vialiki zapyt na spraviadlivaść i sumlennaść, — padkreśliŭ Viktar Chrenin. — Asnoŭnaje — heta ludzi, zachavańnie kadravaha patencyjału, navučańnie asabistaha składu tamu, što nieabchodna na vajnie. Taksama varta zadača ŭtrymańnia i ekspłuatacyi jakaja majecca na ŭzbrajeńni techniki — jana pavinna być hatovaja da ŭžyvańnia».
«Kali ŭ nas buduć hatovyja ludzi i budzie technika, to nam nijakaja pahroza nie strašnaja. Tamu na hetych dvuch kirunkach i budzie zasiarodžana asnoŭnaja ŭvaha», — dadaŭ kiraŭnik vajennaha viedamstva.