Hety biełaruski hurt vydaŭ albom na amierykanskim łejble i razryvaje Kitaj, a vy pra jaho mahli nie čuć. Pasłuchajcie ich žyvy vystup VIDEA
Hurt Rostany spałučaje elektronnuju tancavalnuju muzyku z rok-n-rolnym hitarnym drajvam i falkłornymi matyvami. Ich duža šanujuć u Kitai — ciapier jany ŭ svaim čaćviortym tury pa Padniabiesnaj, ale na radzimie popytu na ich muzyku niama.
24.01.2020 / 08:44
Rostany kožny svoj huk imknucca prajhrać užyvuju, kab nadać ličbavaj muzycy naturalnaść čałaviečaha dotyku, hruv i adčuvańnie pryhažości niedaskanałaści žyvoj istoty. Taki padychod — redkaść dla elektronnaj muzyki.
Lidara hurta Viktara Rudenku vy možacie pamiatać pa hurcie Dali, jaki hraŭ zusim inšuju muzyku, supracoŭničaŭ ź Irynaj Darafiejevaj i navat traplaŭ u finał polskaha adboru na «Jeŭrabačańnie». Pra pryčyny źniknieńnia Dali, hastroli pa Kitai i namiery sabrać «Minsk-Arenu» Rudenka raspavioŭ u hutarcy ź viadučaj Belsat Music Live Miraj Šulc.
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.