Brytanija vyrašyła vydalić ukrainski tryzubiec z dapamožnika ab ekstremistach
23.01.2020 / 20:40
Palicyja Vialikabrytanii pryznała, što pamyłkova ŭniesła ŭ antyterarystyčny dapamožnik ukrainski nacyjanalny simvał tryzubiec, i zapeŭniła, što vydalić jaho z navučalnaha dakumienta. Pra heta havorycca ŭ zajavie Kontrterarystyčnaha ŭpraŭleńnia brytanskaj palicyi, piša Єvropiejśka pravda.
«My majem ciesnyja pracoŭnyja adnosiny z našymi ŭkrainskimi partniorami i nie majuć namieru nikoha pakryŭdzić. My sustrelisia z pradstaŭnikami MZS Vialikabrytanii i pasolstva Ukrainy, i vyrašyli prybrać ukrainski tryzubiec z daviednika znakaŭ i simvałaŭ», — havorycca ŭ paviedamleńni.
Pasolstva Ukrainy ŭ Vialikabrytanii ŭ svaim Twitter adznačyła rolu dypłamataŭ u dasiahnieńni hetaha rašeńnia.
Raniej paviedamlałasia, što ŭ dakumiencie palicyi Vialikabrytanii pa baraćbie z teraryzmam u raździele ab znakach i simvałach pravaradykalnych hrup u pieraliku tatuirovak byŭ pryviedzieny mały hierb Ukrainy z podpisam «Ukrainski tryzubiec (nacyjanalistyčny)».